Юность-Грация маусымдағы төртінші жеңісіне қол жеткізді, Айсұлу Жұлдызды ойсырата жеңді, Томирис Торпедоны «құрғақ» жеңді

Алматыда хоккейден Қазақстан қыздар чемпионатының қорытынды туры аяқталуда.

Турнир кестесінің төменгі бөлігіндегі командалардың текетіресінде «Юность-Грация» басым түсті. Қарағандылық ұжымның құрамынан Ольга Бегунова хет-трик жасады, қарсыласты екі реттен Наталья Скуржинская мен Злата Филичкина састырды. «Бұлбұл» құрамынан абырой шайбасын Людмила Кострюченко салды.

«Юность-Грация» - «Бұлбұл» 8:1 (3:0, 2:0, 3:1)

Алматылық командалар тартысында бүгін қазіргі чемпион дәрежесінде өнер көрсеткен «Айсұлу» басым түсті. Өз есебіне бес голды Елизавета Дюндина жазды, хет-трикті Ольга Широкова жасады. Ойынның шартты қонақтарынан Карина Сулайманова жалғыз шайбаны салды.

«Айсұлу» - «Жұлдыз» 14:1 (6:1, 2:0, 6:0)

Чемпионаттың екі жүлдегерінің матчында «Томирис» қыздары құрғақ жеңіске жетті. Елордалық ұжым құрамынан Анастасия Мелехина, Нина Баранова, Дарья Кожина мен Александра Шегай бір-бір шайба салды. Арина Щёколова қақпаға бағытталған 18 соққыға тойтарыс берді.

«Торпедо» - «Томирис» 0:4 (0:1, 0:1, 0:2)

ВКонтакте, Инстаграм < Бізге қосылып, Qyzdar Hokei Ligasy жаңалықтарын өзіңізге ыңғайлы платформалардан оқыңыз.