Жұлдыз хоккейшілері Торпедоның қақпасын ала алмады, Томирис Бұлбұлды ойсырата жеңді

Оңтүстік астанада хоккейден қыздар чемпионатының екінші туры аяқталуға таяды.

«Торпедо» «Жұлдызға» қарсы матчта құрғақ жеңіске жетті. Карина Фельзинк хет-трик жасады. Полина Мокина мен Мунира Саяхатқызы қарсыласты екі реттен күйіндірді. Осы жеңісінен кейін өскемендік ұжым екінші турдың қорытындысы бойынша турнир кестесінде үшінші орынды иеленіп отыр.

«Торпедо» - «Жұлдыз» 8:0 (1:0, 4:0, 3:0)

Астаналық ел чемпиондары өз ойындарын турнирдің дебютанттары «Бұлбұлға» қарсы матчтағы сенімді жеңіспен аяқтады. Бес гол мен бір пас Камилла Мухаметдинованың есебінде, сондай-ақ Александра Шегай (2+4) мен Оксана Шупенько (1+5) алты ұпайдан жинады. Екінші турдың қорытындысы бойынша «Томирис» турнир кестесінде екінші орында.

«Томирис» - «Бұлбұл» 20:0 (4:0, 10:0, 6:0)

ВКонтакте, Инстаграм < Бізге қосылып, Qyzdar Hokei Ligasy жаңалықтарын өзіңізге ыңғайлы платформалардан оқыңыз.